Адам папиллома вирусынан (АПВ) туындаған жатыр мойны обыры (ЖМО) әлемдегі ең көп таралған қатерлі ісіктердің бірі болып табылады, бұл барлық жағдайлардың 13,1% құрайды. Жыл сайын бұл аурудан 300 мыңға жуық әйел қайтыс болады. Қазақстанда ЖМО барлық жастағы әйелдер арасында таралуы бойынша қатерлі ісіктің басқа түрлері арасында екінші орында тұр. Жыл сайын шамамен 1900 жаңа жағдай тіркеледі, 600-ден астам әйел осы патологиядан қайтыс болады.

АПВ туындаған ЖМО дамуын болдырмаудың жалғыз әдісі-вакцинация. Қазақстанның ұлттық вакцинация күнтізбесіне және Дүниежүзілік денсаулық сақтау ұйымының ұсынымдарына сәйкес, 11 жастағы қыздар 6 ай аралықпен АПВ қарсы екі рет вакцинация алуы керек. Елде АПВ ең онкогенді түрлерінен қорғауды қамтамасыз ететін төрт валентті вакцина қолданылады(6, 11, 16, 18).